L’Institutu de Productos Lácteos d’Asturies (IPLA) va participar nel proyectu européu «Domino», nel qu’ún de los obxetivos va consistir nel desenvolvimientu de nuevos alimentos formentaos d’orixe vexetal sacaos de la magaya de sidra.
La clave pa consiguir esti oxetivu pasa, según l’investigador Javier Moreno, por que nel momentu del lleldáu d’estos nuevos productos alimentarios «l’actividá de los microorganismos xenere metabólicos beneficiosos». N’especial, afonda Moreno, van centrase en «la formación d’hidratos de carbonu formaos pola xuntura d’azucres simples». El fin, prosigue, ye llograr «un efectu prebióticu» que resulte beneficiosu pa la microbiota intestinal, esto ye, el conxuntu de microorganismos que viven nel nuesu intestín. Esto ayudaría a prevenir enfermedaes metabóliques, mentales y autoinmunes rellacionaes coles alteraciones de la microbiota
